क्रांतीसूर्य लोकमान्य बाळ गंगाधर टिळक पुण्यतिथी,साहित्यरत्न अण्णाभाऊ साठे जयंती व शालेयमंत्री मंडळ शपथविधी सोहळा

 

शाळेत दरवर्षीप्रमाणे यावर्षीही १ ऑगस्ट रोजी ‘क्रांतीसूर्य लोकमान्य बाळ गंगाधर टिळक पुण्यतिथी’ आणि ‘साहित्यरत्न अण्णाभाऊ साठे जयंती’ अत्यंत उत्साहात व भावपूर्ण वातावरणात साजरी करण्यात आली. या कार्यक्रमाचे औचित्य साधून विद्यार्थ्यांमध्ये लोकशाही मूल्यांची रुजवणूक करणाऱ्या ‘शालेय विद्यार्थी मंत्रिमंडळ निवडणूक २०२६-२७’ चा निकाल जाहीर करून नवनिर्वाचित मंत्रिमंडळाची घोषणा करण्यात आली.

 

कार्यक्रमाची सुरुवात सकाळी ९.०० वाजता झाली. कार्यक्रमाचे अध्यक्ष शाळेच्या मुख्याध्यापिका सुनंदाताई देशमुख यांच्या हस्ते लोकमान्य टिळक आणि साहित्यरत्न अण्णाभाऊ साठे यांच्या प्रतिमेस दीपप्रज्वलन करण्यात आले.याप्रसंगी विद्यार्थ्यांनी आणि शिक्षकांनी लोकमान्य टिळकांचे स्वातंत्र्यलढ्यातील योगदान, त्यांचा 'स्वराज्य हा माझा जन्मसिद्ध अधिकार आहे आणि तो मी मिळवणारच' हा मंत्र, तसेच अण्णाभाऊ साठे यांचे लोकसाहित्य, सामाजिक कार्य आणि त्यांनी लिहिलेले अजरामर साहित्य यांवर प्रकाश टाकणारी सुंदर मनोगते व्यक्त केली.

 

कार्यक्रमाच्या दुसऱ्या टप्प्यात सर्व विद्यार्थ्यांचे लक्ष लागून राहिलेला शालेय मंत्रिमंडळ निवडणुकीचा निकाल जाहीर करण्यात आला. लोकशाही मार्गाने पार पडलेल्या या निवडणुकीत विजयी झालेल्या विद्यार्थ्यांची नावे मुख्याध्यापकांनी घोषित केली. सर्व नवनिर्वाचित प्रतिनिधींना मुख्याध्यापक व शिक्षकांच्या हस्ते बॅजेस (Badges) देवून सन्मानित करण्यात आले व त्यांनी आपल्या पदाची निष्ठापूर्वक आणि जबाबदारीने अंमलबजावणी करण्याची शपथ घेतली.

 

शाळेच्या मुख्याध्यापकांनी आपल्या भाषणात लोकमान्य टिळक व अण्णाभाऊ साठे यांच्या विचारांचा वारसा पुढे चालवण्याचे आवाहन केले. तसेच, नवीन शालेय मंत्रिमंडळाचे अभिनंदन करून त्यांना शाळेच्या शिस्त, स्वच्छता आणि प्रगतीत सक्रिय सहभाग नोंदवण्यासाठी शुभेच्छा दिल्या.